عمل سيستم حسابات متكامل لشركتك على Excel أو Google Sheets
- وقت التسليم4 يوم
- مستوي اللغة الانجليزيةProfessional
وصف الخدمة
لو شركتك صغيرة أو متوسطة ومش محتاج تدفع اشتراكات غالية في برامج محاسبة، أو جربت برامج وطلعت معقدة على فريقك، الخدمة دي هتديك سيستم حسابات متكامل على Excel أو Google Sheets، معمول على مقاس شغلك بالظبط. شيتات مربوطة ببعض، تدخل البيانات مرة واحدة وكل حاجة تتحدث أوتوماتيك لحد الداشبورد اللي فيها ملخص أرقامك كلها.
السيستم ممكن يشمل:
- المبيعات وفواتير العملاء، مع كشف حساب لكل عميل ورصيده اللحظي.
- المشتريات وحسابات الموردين وأعمار الديون.
- المصروفات مبوبة حسب النوع ومركز التكلفة.
- الخزنة والبنك وحركة المقبوضات والمدفوعات.
- المخزون برصيد لحظي لكل صنف مربوط بالمبيعات والمشتريات.
- فواتير ضريبية متوافقة مع متطلبات ZATCA وحساب ضريبة القيمة المضافة.
- داشبورد بملخص الأرقام: المبيعات، المصروفات، صافي الربح، المستحقات، مع رسوم بيانية.
- فيديو قصير يشرح طريقة الاستخدام خطوة بخطوة.
طريقة الشغل:
بنبدأ بمكالمة أو رسايل نفهم فيها طبيعة نشاطك وإيه اللي محتاج تتابعه. بعدها بصمم هيكل السيستم وأبعتلك نسخة أولية تشوفها وتقول رأيك، وبعد الملاحظات بكمل الربط والتقارير وأجرب كل حاجة ببيانات تجريبية قبل التسليم النهائي.
هتستلم إيه؟
سيستم كامل جاهز للاستخدام فورًا، خلايا المعادلات محمية، وفيه شيت تعليمات وفيديو شرح. ولو عندك بيانات قديمة ممكن أنقلهالك على السيستم بالاتفاق، ولو اشتغلت على Google Sheets تقدر تفتحه من أكتر من جهاز وأكتر من موظف في نفس الوقت.
ليه تشتغل معايا؟
أنا محاسب شغال في السعودية بخبرة عملية في المطابقات والقيود والإقفال الشهري، فالسيستم بيتبني بمنطق محاسبي سليم مش مجرد جداول. بيانات شغلك بتفضل سرية تمامًا، وبفضل متابع معاك بعد التسليم لو ظهرت أي ملاحظة في حدود اللي اتفقنا عليه.
السعر يبدأ من 50$ لسيستم أساسي، وبيزيد على حسب حجم الشغل والأجزاء المطلوبة في السيستم. ابعتلي طبيعة شغلك قبل الطلب ونتفق على التفاصيل.



