تسجيل القيود اليومية وإقفال الشهر لشركتك
- وقت التسليم1 يوم
- مستوي اللغة الانجليزيةProfessional
وصف الخدمة
لو شغلك كتير ومعندكش وقت تسجل القيود أول بأول، أو الحسابات متأخرة كام شهر ومحتاجة تتظبط، أو عايز تقفل كل شهر بأرقام نضيفة تقدر تعتمد عليها، الخدمة دي هتشيل عنك الحمل ده. هسجلك القيود اليومية لشركتك بشكل صحيح ومنظم، وأقفلك الشهر بميزان مراجعة متزن وجاهز للمراجعة أو لتجهيز القوائم المالية.
الخدمة فيها إيه؟
- تسجيل القيود اليومية لكل العمليات: مبيعات، مشتريات، مصروفات، تحصيلات، مدفوعات.
- تبويب كل قيد على الحساب الصح حسب دليل الحسابات بتاعك، أو أعملك دليل حسابات بسيط لو مش موجود.
- قيود التسويات آخر الشهر: المصروفات المستحقة والمقدمة، والإهلاك، والإيرادات المستحقة.
- مطابقة أرصدة البنك والخزنة قبل الإقفال.
- ميزان مراجعة بعد الإقفال ومتأكد من توازنه.
- ملاحظات بأي فروقات أو أرصدة غريبة محتاجة مراجعة أو مستند ناقص.
محتاج منك إيه؟
المستندات أو البيانات الخاصة بالشهر (فواتير، سندات قبض وصرف، كشف البنك)، ودليل الحسابات لو موجود، وأرصدة آخر شهر اتقفل. ممكن أشتغل على ملفات Excel أو Google Sheets.
هتستلم إيه؟
دفتر يومية كامل ومنظم، ودفتر أستاذ بأرصدة كل حساب، وميزان مراجعة بعد الإقفال، وشيت ملاحظات بأي حاجة محتاجة متابعة منك. ولو حابب، ممكن نتفق على شغل شهري ثابت بحيث كل شهر يتقفل في ميعاده.
ولو الحسابات متأخرة أكتر من شهر، بنتفق على خطة نقفل فيها شهر ورا شهر لحد ما نوصل للشهر الحالي، وبتستلم كل شهر أول ما يخلص من غير ما تستنى الشغل كله.
ليه تشتغل معايا؟
أنا محاسب شغال في السعودية وبسجل قيود وبعمل إقفالات شهرية كجزء من شغلي اليومي، فبعرف الأخطاء المتكررة وبتجنبها من الأول. بشتغل بدقة وبتواصل معاك لو فيه أي مستند مش واضح، وبياناتك بتفضل سرية تمامًا.
السعر الأساسي لعدد محدود من القيود، والسعر النهائي حسب حجم الشغل. ابعتلي تفاصيل شغلك قبل الطلب ونتفق.



